სტამბოლის ცენტრალურ რაიონ ბეიაზიტ ვეზნეჯილერში მომხდარი აფეთქების შედეგად სულ მცირე, 2 ადამიანი დაიღუპა და 8 დაშავდა.

ჟურნალისტების ცნობით, აფეთქება სპეცდანიშნულების ძალების ავტობუსთან მოხდა, რის შემდეგაც გაისმა რამდენიმე გასროლის ხმა.

ამჟამად ქუჩა, სადაც აფეთქება მოხდა გადაკეტილია. ადგილზე მუშაობენ სასწრაფო დახმარების ბრიგადები.

პასუხისმგებლობა აფეთქების ორგანიზებისთვის ჯერჯერობით არც ერთ დაჯგუფებას არ აუღია.