კულტურული მემკვიდრეობის ძეგლის - იყალთოს სამონასტრო კომპლექსის მიმდებარე ტერიტორიის, იყალთოს ხევის განვითარებისთვის პირველ ეტაპზე განხორციელდება:

• იყალთოში, იყალთოს ხევისაკენ მისასვლელი საავტომობილო გზების, წყალმომარაგებისა და წყალარინების ინფრასტრუქტურის მდგომარეობის, მათი რეაბილიტაცია-მშენებლობისა და ტურისტული ინფრასტრუქტურის განვითარების საჭიროებების პირველადი შესწავლა

• სოფელ იყალთოში, იყალთოს ხევში და მისკენ მისასვლელ გზებზე მეწყრული პროცესებისა და მათი გამომწვევი მიზეზებისა და ქარის ნაკადების კვლევა

• იყალთოს ხევში არსებული კულტურული მემკვიდრეობის ობიექტების არქეოლოგიური-კვლევითი სამუშაოების დაგეგმვა და მათი ჩატარების კოორდინაცია

• იყალთოს ხევის უძრავი ქონების კადასტრისა და მიწათმოწყობის ერთიანი სისტემის ორგანიზება და მიწის ნაკვეთების საკადასტრო მონაცემების სრულყოფა;

• იყალთოს ხევის ტერიტორიის გამოყენებისა და განაშენიანების რეგულირების წესების დამტკიცება.

►პროექტის განხორციელებაში კოორდინირებულად ჩაერთვება რამდენიმე სამინისტრო შესაბამისი სსიპ-ებით, რომლებიც ერთობლივად შეიმუშავებენ იყალთოს ხევის განვითარების გეგმა/კონცეფციას. შეიქმნება იყალთოს ხევის განვითარების ხელშემწყობი კომისია დიმიტრი ქუმსიშვილის ხელმძღვანელობით

►საქართველოს მთავრობის ერთ-ერთ პრიორიტეტულ ამოცანას წარმოადგენს კულტურული მემკვიდრეობის ძეგლების მოვლა-შენარჩუნება და მათი მიმდებარე ტერიტორიის განვითარება ტურიზმის ხელშეწყობის მიზნით ქვეყნის სწრაფი განვითარებისთვის!