„გიორგი კვირიკაშვილი ჩემთვის აღმოჩენაა ადამიანობის, წესიერებისა და უანგარობის", - ასე ახასიათებს მთავრობის მეთაურ გიორგი კვირიკაშვილს ყოფილი პრემიერი ბიძინა ივანიშვილი.

„ქონებრივად შესაძლოა, მე მეტი მაქვს, მაგრამ გიორგის არანაკლები განწყობა აქვს  ჩემზე, რომ  ქვეყანას უანგაროდ ემსახუროს და სწორი გზით განავითაროს. ის მხოლოდ ამისთვის არის მთავრობაში. მის გარდა მინისტრთა კაბინეტში არიან ასეთი წევრები, მაგრამ გიორგიზე შემიძლია გავაკეთო განსაკუთრებული აქცენტი, რომ საოცარი პიროვნებაა. მე  ახალგაზრდობის ოცნების ადამიანი ვნახე გიორგიში. იმდენად დაბალანსებულია, იმდენად ადამიანურია, იმდენად კეთილშობილია... ამავდროულად კარგი მენეჯერია. ის სწორედ ამ განწყობითაა მთავრობის მეთაური, რომ მოემსახუროს საკუთარ ქვეყანას, რომ ის საუკეთესო გზით წაიყვანოს", - აცხადებს ივანიშვილი.