„პაატა ბურჭულაძეს მოვუწოდებ, არ იცრუოს", - ამის შესახებ ბიძინა ივანიშვილმა ჟურნალისტებთან შეხვედრაზე განაცხადა.

ყოფილმა პრემიერ-მინისტრმა ბურჭულაძის პარტიაზე და ზოგადად, ოპოზიციურ პარტიებზე დეტალურად  საუბრისგან თავი შეიკავა და განაცხადა, რომ მათ შესახებ ვრცელ ანალიზს უახლოეს პერიოდში გამოქვეყნებს.

„რეალურად, მე სულაც არ ვაკნინებ სხვა ოპოზიციურ ძალებს, თუმცა დღეს ამაზე არ ვაპირებ საუბარს, რადგან ჩემს ანალიზს ყველა პარტიაზე მალე გავაკეთებ", - აღნიშნა ივანიშვილმა.