იაპონიაში ტაიფუნი „ჰაგიბისის“ მიერ გამოწვეული წყალდიდობისა და მეწყერის შედეგად დაღუპულთა რიცხვი 39-მდე გაიზარდა. ინფორმაციას იაპონური მედია ავრცელებს.

ამ დრომდე გარდაცვლილად 33 ადამიანი ითვლებოდა. სტიქიის შედეგად დაკარგულია 17, ხოლო დაშავებულია 189 ადამიანი.

მედიის ცნობით, დაახლოებით 136 000 ოჯახი უსახლკაროდ დარჩა, ხოლო 4300-ს ელექტროენერგია არ მიეწოდება.

ტაიფუნის გამო, რომელსაც ძლიერი ქარი და წვიმა ახლდა, ​​მეწყერი ჩამოწვა, ორი ათეული მდინარე კალაპოტიდან გადავიდა და უზარმაზარი ადგილები დატბორა ტოკიოს მიმდებარე ტერიტორიიდან ნიგატამდე, რომელიც იაპონიის ზღვის სანაპიროსთან მდებარეობს.

მაღალსიჩქარიანი მატარებლების მოძრაობა, ისევე როგორც ექსპრეს-მატარებლების, ტოკიოს ჩრდილოეთით მდებარე „ნიკკოს“ ტურისტულ მხარეში უკვე აღდგენილია.

ამავდროულად, ფრენის შეფერხებები „ნარიტას“  აეროპორტში ნარჩუნდება. იაპონიის პოლიცია, სახანძრო სამსახურები და თავდაცვის ძალები სამძებრო-სამაშველო ოპერაციებს 11 პრეფექტურაში განაგრძობენ.

წყარო :