ავსტრიის შინაგან საქმეთა სამინისტროს ინფორმაციით, ავსტრიის ხელისუფლებამ მიიღო გადაწყვეტილება, რომ საქართველო ე.წ.უსაფრთხო ქვეყნების სიაში შეიყვანოს, რაც ნიშნავს, რომ ავსტრიაში ჩასულ საქართველოს მოქალაქეებს თავშესაფარზე უარს ეტყვიან. ინფორმაციას სააგენტო „ასოშიეითიდ პრესი" ავრცელებს.

კერძოდ, საქართველოს მოქალაქეების განაცხადებები თავშესაფრის მიღების შესახებ განხილული იქნება მაქსიმუმ 10 დღეში, იმ ფონზე, როცა სირიის მოქალაქეებისთვის ეს პროცესი დაახლოებით ერთ თვეს გრძელდება.