პრემიერ-მინისტრმა გიორგი კვირიკაშვილმა განათლების ახალი მინისტრი ალექსანდრე ჯეჯელავა მინისტრთა კაბინეტს წარუდგინა.

„ალექსანდრე ჯეჯელავა ძალიან მნიშვნელოვანი და ღირებული შემომატებაა ჩვენი გუნდისთვის. ის არის კვალიფიციური და გამოცდილი ადამიანი. მინდა, ყოველმა თქვენგანმა იგულოთ ის, როგორც თანამებრძოლი და თანამოაზრე", -განაცხადა პრემიერ-მინისტრმა.

ალექსანდრე ჯეჯელავა მინისტრის რანგში მთავრობის სხდომას გუშინ  პირველად დაესწრო.