„დღე- ნახევარი დარჩა ამ ჯოჯოხეთის დამთავრებამდე და მეც დავმთავრდი უკვე. რა ბედნიერებაა, ვისაც ჭამა შეუძლია", - ამის შესახებ FACEBOOK-ზე გია მაისაშვილი წერს, რომელიც მძიმე სენს 40 დღიანი შიმშილობით ებრძვის.

„აი, ხვალ გვაქვს სანერვიულო დღე, ახლა მაცნობეს რომ ხვალ 4 საათზე ორთაჭალაში ნიუ ჰოსპიტალში დანიშნულია ტვინის სკანირება ტომოგრაფია და გავიგებთ თუ ამ შიმშილობამ შედეგი იქონია სიმსივნეზე. აქამდე არ მეშინოდა, ახლა კი ფეხები მიკანკალებს, თუმცა მეტი რაღა ვქნა , რაც იქნება იქნება, უბრალოდ ამ შიმშილობის დროს ოთხი წიგნი დავწერე და ერთი სული მაქვს ეს შავი ვარიანტი გადავბეჭდო და გამოვცეთ. თან ჩემი დისშვილის ქორწილია ბათუმში 25-ში და ფორმაში მინდა მანამდე შესვლა, არ ჩავუშალო ქორწილი", - წერს მაისაშვილი.