უკრაინის აგრარული პოლიტიკის ყოფილი მინისტრი ტარას კუტოვოი დღეს, 21 ოქტომბერს, მომხდარი ავიაკატასტროფის შედეგად დაიღუპა. ვერტმფრენი, რომელიც ყოფილი სახელმწიფო მოხელე იჯდა პოლტავის ოლქში ჩამოვარდა. ექსმინისტრის დაღუპვის შესახებ ინფორმაცია დაადასტურა უკრაინის ექს-ვიცე-პრემიერმა პავლე პოზენკომ. 

როგორც "რადიო НВ" უკრაინის შინაგან საქმეთა სამინისტროზე დაყრდნობით ავრცელებს ინფორმაციას, ვერტმფრენი, სადაც კუტოვოი იჯდა, კიევში აფრინდა. ამ დროისთვის მხოლოდ ერთი დაღუპულის შესახებ არის ცნობილი. 

​

ავიაკატასტროფა სოფელ ტარასენკოვოს ახლოს მოხდა. ვერტმფრენის ჩამოვარდნის შესახებ შეტყობინება უკრაინის დროით 16:00 -დან 17: 21 საათის შუალედში შევიდა. ხანძარი ლიკვიდირებულია.  

ტარას კუტოცოი უკრაინის მრეწველობისა და აგრარული პოლიტიკის მინისტრის თანამდებობას 2016-დან 2018 წლამდე, ვლადიმერ გროისმანის მთავრობაში იკავებდა. ასევე იყო VII და VIII მოწვევის პარლამენტების დეპუტატი.  

 "ის კარგი ადამიანი და ნიჭიერი ეკონომისტი იყო. მას შვილები და ორსული მეუღლე დარჩა... ძალიან სამწუხაროა", - წერენ მოქალაქეები სოციალურ ქსელში.