პროკურორ არჩილ ტყეშელაშვილის განმარტებით, სიმართლეს არ შეესაბამება ის ფაქტი, რომ ბრალდების მრჩეველთა  საერთაშორისო ჯგუფის წევრებს  ბადრი ჯაფარიძისა და მამუკა ხაზარაძის საქმეზე შესასწავლი  მასალები სასურველ ენაზე არ გადაეცა.

პროკურორის თქმით, ასევე  შეფასება, რომ  უცხოელმა  ექსპერტებმა  მათ ქართული კანონმდებლობა არ იციან, არაობიექტურია.

„სიმართლეს არ შეესაბამება ინფორმაცია, რომ ეს მასალები ექსპერტებს ს თარგმნილი არ გადაეცა. მათ  დოკუმენტები მათთვის გასაგებ ენაზე გადაეცათ. რაც შეეხება კანონმდებლობის ცოდნას, რომ მათ არ იციან - მოგეხსენებათ, რომ უკანონო შემოსავლის ლეგალიზაცია ტრანსნაციონალური დანაშაულია. ეს კანონმდებლობა მოქმედებს სხვადასხვა ქვეყანაში. მათ შორის იქ, სადაც აღნიშნული ექსპერტები საქმიანობენ. ერთ-ერთი მათგანი ისრაელის გენერალური პროკურორი იყო. ხოლო მეორე მათგანი, აშშ-ის იუსტიციის დეპარტამენტის ორგანიზებულ დანაშაულთან ბრძოლის სამსახურის დირექტორი. შესაბამისად აღნიშნულ პირებს, მსგავს დანაშაულთან საქმიანობა ჰქონიათ. შესაბამისად, ის, რომ მათ ქართული კანონმდებლობა არ იციან, არაობიექტურია“, - განაცხადა პროკურორმა.

თბილისის საქალაქო სასამართლოში ბადრი ჯაფარიძის, მამუკა ხაზარაძის და ავთანდილ წერეთლის სასამართლო პროცესი ამ წუთებში  მიმდინარეობს.