„ახალგაზრდული ცენტრის" ლიდერმა ზურაბ ქადაგიძემ „რეპორტიორის" პრესკლუბში გამართულ ბრიფინგზე ბიძინა ივანიშვილის ჟურნალისტებთან შეხვედრასთან დაკავშირებით ისაუბრა. ქადაგიძის განცხადებით, ჯანდაცვის რეფორმა და სოციალური პროგრამები, რომელსაც სახელმწიფო ახორციელებს,  ბიძინა ივანიშვილმა დაიწყო.

„ბიძინა ივანიშვილის დაწყებული საქმეა ჯანდაცვის რევოლუციური რეფორმა. საზოგადოების 99% თანხმდება, რომ ეს არის ყველაზე მეტად ადამიანს მორგებული რეფორმა. ოჯახები აღარ ფიქრობენ,  როდესაც ბავშვი ეყოლებათ, მშობიარობაში რამდენის გადახდა მოუწევთ. მშობიარობა უფასოა. ასევე საბავშვო ბაღები არის უფასო. რეალურად ჯანდაცვის  რეფორმა და  სოციალური პროგრამები, რომელსაც ახორციელებს სახელმწიფო, ეს არის უპრეცედენტო და აღსანიშნავი",- განაცხადა ქადაგიძემ.