მეხანძრეები დარწმუნებული არიან, რომ ხანძრის მიზეზი ადამიანური ფაქტორია, ტყესთან ახლოს საცხოვრებელი სახლები არ არის, - იტყობინება jam-news.net -ი. 

სოხუმის უღელტეხილზე გაჩენილმა ხანძარმა 150- 200 ჰექტარი ტყე დაახლოების 2 კმ. ტერიტორია მოიცვა. ამ დროისთვის ცეცხლის გავრცელების ზუსტი სურათის დადგენას ხელს უშლის ტერიტორიის ძლიერი დაკვამლიანება. 

მაშველებმა ვერტმფრენებიდან მაქსიმალურად მისაღწევი ტრაექტორია დაათვალიერეს. მათი თქმის, ცეცხლის რამდენიმე კერა შეინიშნება. ცეცხლი ძნელად მისადგომ, მაღალმთიან რაიონში ვრცელდება. ხანძრის ჩაქრობა მხოლოდ სპეციალური ავიაციით არის შესაძლებელი.  

როგორც დე-ფაქტო ხელისუფლების წარმომადგენელი ლევ კვიციანი აცხადებს, დახმარებისთვის რუსეთს მიმართეს.