თბილისში, რუსთაველის გამზირზე პოლიციასა და აქციის მონაწილეებს შორის შეხლა-შემოხლა და დაპირისპირება მიმდინარეობს.

პოლიციამ რამდენიმე პირი დააკავა, ისინი პატრულის ავტომობილში ჩასვეს.

ასევე, სამართალდამცველები ალეკო ელისაშვილის დაკავებასაც ცდილობდა, თუმცა ის არ დაუკავებიათ.

დაკავებები და შეხლა-შემოხლა გავრცელებული ინფორმაციით, აქციის მონაწილეების მხრიდან გზის კვლავ გადაკეტვის მცდელობას მოჰყვა.

პარალელურად, აქციის მონაწილეებს გამომსვლელები მიმართავენ.

რუსთაველის გამზირზე საავტომობილო მოძრაობა აღდგენილია.

ამასთან, შსს-მ ცოტა ხნის წინ გაავრცელა ინფორმაცია, რომ დღეს შინაგან საქმეთა სამინისტრომ პარლამენტის შენობასთან მიმდინარე აქციის დროს, ადმინისტრაციულ სამართალდარღვევათა კოდექსით გათვალისწინებული დარღვევისთვის 18 პირი დააკავა.

წყარო :