საქართველოს ყოფილმა პრემიერ-მინისტრმა ბიძინა ივანიშვილი ჟურნლისტებს განუცხადა, რომ მთავრობა არის ხალხის სამსახურში მდგარი მთავრობა, მათ აქვთ განცდა, რომ საკუთარ ქვეყანს დაეხმარონ და მათი აბსოლუტური უმრავლესობის ანაზღაურებები არის იმაზე დაბალი, რაც შეეძლოთ აეღოთ კერძო სტრუქტურებში მუშაობის დროს.

„ძალიან ბევრი კარგი მინისტრი ჰყავს დღეს საქართველოს, ჩემიდან გადმოყოლილიც და ახლად დანიშნულიც. ახალ განათლების მინისტრს არ ვიცნობ, მაგრამ ძალიან აქებენ.  პრემიები ლამის კორუფციაზე მეტ დანაშაულად აქციეს და ესეც „ნაციონალური მოძრაობის" ხელწერაა. სწორედ „ნაციონალური მოძრაობის" დროს ყვაოდა ელიტარული კორუფცია. პრემიები გაცილებით მაღალ რანგში აწიეს. იქ იყო რაღაც გადახრები, რაც მეც არ მომეწონა, გახსოვთ ალბათ, სასჯელაღსრულების სამინისტროში იყო რაღაც გაუგებრობა პრემიებთან დაკავშირებით და მასზე ხელისუფლებას რეაქციაც ჰქონდა. მთავრობა არის ხალხის სამსახურში მდგარი მთავრობა. აქვთ განცდა, რომ საკუთარ ქვეყანას დაეხმარონ,  მათი აბსოლუტური უმრავლესობის ანაზღაურებები არის იმაზე დაბალი, რაც მათ შეეძლოთ აეღოთ კერძო სტრუქტურებში მუშაობის დროს. დღეს მთავრობაში ძალიან ბევრი მაღალკვალიფიციური მინისტრია", - განაცხადა ბიძინა ივანიშვილმა.