კონსტანტინე გამსახურდია სოციალურ ქსელში წერს:

„მეგობრებო, გავიდა 2 დღე ახალი კოალიციის გაფორმებიდან, რომელშიც შევიდა 6 პარტია. ჩემთვის ეს მესამე კოალიციაა: პირველი იყო "გაერთიანებული ოპოზიცია-მემარჯვენეები", მეორე იყო "ალიანსი თავისუფლებისთვის" (ჩემთან ერთად აკაკი ასათიანი, გუგული მაღრაძე და გია მაისაშვილი) სანამ ვრცელ ტექსტს გამოვაქვეყნებდე, ვიტყვი ერთს: არც ერთი პოსტი, რომელიც ამ სივრცეში გამომიქვეყნებია:

- ქვეყნის საგარეო-პოლიტიკურ ორიენტაციაზე (ნატო-ევროინტეგრაცია)

- ქართულ სახელმწიფოებრიობაზე

- რუსეთზე და ევრაზიულ კავშირზე

- რუსთავი 2-ისა სარედაქციო საქმიანობაში ჩაურევლობაზე

- ქვეყანაში გაბატონებულ ფაქტობრივ ორპარტიულ სისტემაზე.

რომლებიც გამოხატავდნენ ჩემს თვალსაზრისებს, არ დაექვემდებარებიან ოდნავ რევიზიასაც კი.

რაც შეეხება ქვით დამკრებელთა ჯგუფებს და საზოგადოებებს, და ასეთი ძირითადად სამია - "ნაცები", "ქოცები" და მესამე ჯგუფი, რომელიც შორს დგას პოლიტიკისგან (და მათ შორისაა "პატრიოტთა ალიანსის გარკვეული სეგმენტიც, რომელიც თვლის რომ ამ ალიანსის ლიდერებმა, ი. ინაშვილმა და დ. თარხან-მოურავმა ამ ნაბიჯით თავი დაიღუპეს და მომხრეები დაკარგეს) შეუძლიათ დაკავდნენ ძვირფასი საქმიანობით - ქვის სროლით, ცხადია თავიანთ ექაუნთებზე, რამდენადაც სიტყვა მაინც ქვაა მათ ხელში. ასეთი "ქვების წვიმა" მახსოვს 2004 წელსაც, როდესაც აქ ჩამოვედი, 2007 წელსაც, როდესაც მაშინდელ ოპოზიციასთან დავდექი, 2009-შიც, როდესაც პარლამენტში შესვლა გადავწყვიტე, 2011-შიც, როდესაც ქართული სახელმწიფოს სამსახურში გადავედი."

"პატრიოტთა ალიანსი"  ხუთ  ოპოზიციურ პარტიასთან ერთიანდება.

ბლოკში შემდეგი პარტიები არიან გაერთიანებული - "საქართველოს პატრიოტთა ალიანსი", კახა კუკავას პარტია "თავისუფალი საქართველო" , კონსტანტინე გამსახურდიას პარტია "თავისუფლება", აკაკი ასათიანის -"საქართველოს ტრადიციონალისტთა კავშირი", გოჩა ჯოჯუას "ახალი ქრისტიან-დემოკრატები" და გია ბერძენიძე - "ძალოვან ვეტერანთა და პატრიოტთა პოლიტიკური მოძრაობა".

საარჩევნო ბლოკის სახელწოდება იქნება "დავით თარხან-მოურავი, ირმა ინაშვილი - პატრიოტთა ალიანსი -გაერთიანებული ოპოზიცია".

ბლოკში აცხადებენ, რომ სხვა პარტიებთან კონსულტაციისთვის მზად არიან, გარდა "ნაციონალური მოძრაობისა" და მასთან