თბილისის საკრებულოს წევრი სოსო მანჯავიძე მაესტროს" პირდაპირ ეთერში მასსა და ალექსანდრე ელისაშვილს შორის მომხდარ ფიზიკურ დაპირისპირებას სოციალურ ქსელში კიდევ ერთხელ ეხმიანება:

„მინდა ორიოდე სიტყვა ვთქვა დღევანდელ ინციდენტზე "მაესტროში".

საქართველოში უნდა დამთავრდეს ამ „ლანძღვით მლანძღველების" პარპაში. ამის გარეშე ჩვენ განწირული ვართ დაღუპვისათვის.

ცილისმწამებლებმა სათანადო პასუხი უნდა მიიღონ და ამაში სოლიდარულები უნდა ვიყოთ.

ე.წ. ''თმენის ვალდებულება" არ გულისხმობს შეურაცხყოფის თმენის ვალდებულებას. მრავალჯერ უპასუხოდ შეურაცხყოფის თმენა იწვევს ადამიანის სულიერ დეგრადაციას, ხოლო დეგრადირებული მმართველები ქვეყანას ვერ გადაარჩენენ.

ყოველთვის ვამბობდი და ახლაც ვამბობ, რომ ცილისწამება დასჯადი უნდა იყოს სისხლის სამართლის წესით.

საქართველოში უნდა დამკვიდრდეს მკაცრი და სამართლიანი სახელმწიფოებრივი წესრიგი.

ირმა ინაშვილს მინდა მადლობა გადავუხადო მისი სამართლიანი და ვაჟკაცური პოზიციისათვის.

რაც შეეხება ჩემს დღევანდელ ოპონენტს, სწრაფ ფიზიკურ და ფსიქიკურ გამოჯანმრთელებას ვუსურვებ თავის მომხრეებთან ერთად, რომლებსაც ვთხოვ გამათავისუფლონ თავისი მეგობრობის პატივისგან".- წერს მანჯავიძე.