თავდაცვის მინისტრის მოადგილე რატი ბრეგაძე სოციალურ ქსელში შემდეგი სახის პოსტს აქვეყნებს:

„საბჭოთა კავშირში ცხოვრების პერიოდში თავისუფლებისათვის მებრძოლი ქართველებისათვის დღევანდელი დღე, როდესაც საქართველო ევროსაბჭოს თავმჯდომარე გახდა, შორეული იდეალისტური ოცნება იყო. ოცნებები ხდება. მე მჯერა, რომ მუხლჩაუხრელი შრომისა და მშვიდობიანი განვითარების შედეგად თბილისში, ცხინვალსა და სოხუმში ევროკავშირში გაწევრიანებას ვიზეიმებთ და ერთიანობისათვის დაღუპულ გმირებს ღირსეულ პატივს მივაგებთ. გილოცავთ დღევანდელ დღეს, ძვირფასო მეგობრებო. საქართველო აუცილებლად იქნება ევროკავშირის წევრი ერთიანი სახელმწიფო“, - წერს ბრეგაძე.