ყაზახეთის ქალაქ აქტობეში ჩატარებული სპეცოპერაციის შედეგად ლიკვიდირებულია ტერორიზმში ეჭვმიტანილი 5 პირი.

ყაზახეთის ეროვნული უშიშროების კომიტეტის ცნობით, სპეცოპერაციის დროს მსუბუქად დაიჭრა სპეცსამსახურების ორი თანამშრომელი.

5 ივნისს ყაზახეთის დასავლეთ ნაწილში მდებარე ქალაქ აქტობეში შეიარაღებულმა პირებმა რამდენიმე თავდასხმა განახორციელეს. შედეგად დაიღუპა 6 და დაშავდა ათობით ადამიანი.

სპეცოპერაციის დროს სამართალდამცველებმა 13 სავარაუდო დამნაშავე მოკლეს, რამდენიმე მათგანი დააკავეს, კიდევ 8 პირი ძებნაშია გამოცხადებული.