ფრანგული გამოცემა „Le Figaro"-ს ცნობით, სტიქიის გამო საფრანგეთის სამ დეპარტამენტში საფრთხის „ნარინჯისფერი" დონე გამოცხადდა.

ძლიერი წვიმის გამო საფრთხის დონე გაიზარდა საფრანგეთის ჩრდილო-დასავლეთში მდებარე დეპარტამენტებში.

მეტეოროლოგები არ გამორიცხავენ, რომ ქვეყნის ამ ნაწილში ძლიერმა წვიმამ წყალდიდობა გამოიწვიოს.

საფრანგეთში სტიქიას 5 ადამიანი ემსხვერპლა, მნიშვნელოვნად დაზარალდა ქვეყნის ქალაქები და ზოგიერთი რეგიონი.