დღეს საქართველოს საპატრიარქოში, დიდ და წმინდა კრებასთან დაკავშირებით, საქართველოს მართლმადიდებელი ეკლესიის წმინდა სინოდის სხდომა გაიმართება, რომელსაც საქართველოს კათოლიკოს-პატრიარქი, უწმინდესი და უნეტარესი ილია მეორე უხელმძღვანელებს.

ამ თემაზე გუშინ საქართველოს კათოლიკოსპატრიარქმა, უწმინდესმა და უნეტარესმა ილია მეორემ ისაუბრა.

„გილოცავთ ამაღლების ბრწყინვალე დღესასწაულს და ეს დღე იყო სიკეთის მომტანი საქართველოსთვის. ყველას მოგესალმებით. ჩვენ ვიმყოფებოდით ჩეხეთში სამკუნალოდ, მაგრამ მე ვფიქრობ, რომ ყველაზე კარგი ადგილი საქართველოა.

ხვალ გვაქვს წმინდა სინოდის სხდომა. ილოცეთ, რომ ღვთის ნებით, მშვიდობით ჩატარდეს ეს სხდომა", - ბრძანა უწმინდესმა.