გერმანიის შინაგან საქმეთა სამინისტროს სახელმწიფო მდივანმა ემილი ჰაბერმა ევროკავშირის წევრი ქვეყნების შინაგან საქმეთა მინისტრების სხდომის დაწყებამდე ჟურნალისტებს განუცხადა, რომ საქართველოსთვის ვიზა-ლიბერალიზაციის დაწესებას ძალიან დიდი მნიშვნელობა აქვს, მაგრამ შეჩერების მექანიზმის შემოღებას უნდა დაველოდოთ.

„ეს არის საკითხი, რომლის განხილვასაც დღეს ვგეგმავთ. გეთანხმებით, რომ ამას უზარმაზარი მნიშვნელობა აქვს საქართველოსთვის და საქართველოს მოქალაქეებისთვის. თუმცა, ჩვენ უნდა დაველოდოთ შეჩერების მექანიზმს, რათა დავწმუნდეთ, რომ შევძლებთ ზომების მიღებას, თუ მოხდება უვიზო რეჟიმის დარღვევის მასობრივი ფაქტები", - განაცხადა ემილი ჰაბერმა.