75 წლის ტომას მარკლმა მზადყოფნა გამოთქვა სასამართლოზე წარდგეს მისი ქალიშვილის, მეგან მარკლის წინააღმდეგ. მას განზრახული აქვს დაამტკიცოს იმ ტაბლოიდების უდანაშაულობა, რომელთანაც პრინცი ჰარის მეუღლეს სასამართლო დავა აქვს.

მეგან მარკლის მამამ საჯაროდ გამოთქვა მზადყოფნა მონაწილეობა მიიღოს The Mail on Sunday–სთან და მის დამფუძნებელ კომპანიასთან – Associated Newspapers–სთან მეგანის სასამართლო დავაში.

მეგან მარკლმა ჟურნალისტები მამისთვის გაგზავნილი მისი წერილის ფრაგმენტების გამოყენებაში დაადანაშაულა. წერილი მამას მეგანმა ჰარიზე გათხოვების შემდეგ მისწერა. პრინცის მეუღლის თქმით პრესამ მისი ფრაზები კონტექსტიდან ამოგლეჯილად წარმოადგინა, რათა “მკითხველის აზრით მანიპულირება მოეხდინა“.

თავად ტომასი ამტკიცებს, რომ ტაბლოიდის თანამშრომლებს წერილი პირადად მან გადასცა. მამის სურვილი საკუთარი ქალიშვილის წინააღმდეგ სასამართლოზე მოწმედ გამოვიდეს, მათი მრავალწლიანი კონფლიქტით არის გამოწვეული. მამა ამტკიცებს, რომ შვილი მის რეპუტაციას საზოგადოების თვალში განზრახ ლახავს.

გამოცემა The Sun- ი ამტკიცებს, რომ საქმეზე დართულ მასალებს შორის არის დოკუმენტები, რომლებიც მეგანის მამის სიტყვებს ამტკიცებს.

“მან გაავრცელა ცილისმწამებლური ჭორები მამის შესახებ, რათა მედიაში მისი იმიჯი შეებაღალა. ასევე არსებობს მონაცემები, რომ მეგანი საკუთარ მეგობრებს თხოვდა ჟურნალისტებისთვის მასზე დადებით ისტორიები მოეყოლათ, რათა საკუთარი თავის შესახებ მაქსიმალურად პოზიტიური წარმოდგენა შეექმნა“ – უამბობს გამოცემას სანდო წყარო.

წყარო :