საქართველოს პრემიერ-მინისტრი გიორგი გახარია დავოსის მსოფლიო ეკონომიკური ფორუმის ფარგლებში სომხეთის რესპუბლიკის პრეზიდენტ არმენ სარქისიანს შეხვდა.     

საუბრისას აღინიშნა, რომ საქართველოსა და სომხეთს შორის არსებულმა ურთიერთობებმა მაღალი დონის შეხვედრების ფონზე განსაკუთრებით დადებითი დინამიკა შეიძინა.

შეხვედრაზე განიხილეს საქართველოს პრემიერ-მინისტრის სომხეთში ვიზიტის პერიოდში მიღებული გადაწყვეტილებების მიმდინარეობა. გიორგი გახარიამ და არმენ სარქისიანმა გამოთქვეს მზაობა, მომავალშიც განაგრძონ ორი სახელმწიფოს ურთიერთსასარგებლო თანამშრომლობა.