შერიგებისა და სამოქალაქო თანასწორობის საკითხებში სახელმწიფო მინისტრი ბრიუსელში სამუშაო ვიზიტს განაგრძობს. ქეთევან ციხელაშვილი საგარეო საქმეთა მინისტრის მოადგილე ვახტანგ მახარობლიშვილთან ერთად NATO-ს გენერალური მდივნის მოადგილეს მირჩა ჯოანას შეხვდა.

ქეთევან ციხელაშვილის განცხადებით, NATO-ს გენერალურ მდივანის მოადგილესთან ორმხრივ შეხვედრაზე, ოკუპაციასა და ადგილზე არსებულ ვითარებასთან დაკავშირებული ყველა მწვავე საკითხი განიხილეს.

„ჩვენ გვქონდა ორმხრივი შეხვედრა NATO-ს გენერალური მდივნის მოადგილესთან, ძალიან პროდუქტიული შეხვედრა, სადაც განვიხილეთ, რა თქმა უნდა, ოკუპაციასა და ადგილზე არსებულ ვითარებასთან დაკავშირებული ყველა მწვავე საკითხი. ასევე NATO-საქართველოს თანამშრომლობის ძირითადი ასპექტები და ის დღისწერიგი, რომელიც ჩვენ 2020-ში გვაქვს, რაც კიდევ უფრო გაამყარებს ჩვენს პარტნიორობას“, - განაცხადა მინისტრმა.