ოპოზიციის მოწოდებას, რომ ბაღდათის ტრაგედიის გამო დღეს პარლამენტში სხდომა არ ჩატარდეს, მმართველი გუნდის წევრები გამოეხმაურნენ.

პარლამენტის თავმჯდომარის პირველმა მოადგილემ გიორგი ვოლსკიმ ოპონენტები ტრაგედიით სპეკულირებაში დაადანაშაულა.

„ტრაგედიით სპეკულირება საჭირო არ არის, ეს შეურაცხყოფაა იმ ადამიანების, ვინც გარდაიცვალა. ეს არის საკითხი, რომელიც მნიშვნელოვანია მორალურად. ასევე, რასაკვირველია, ბევრი დასკვნაა გასაკეთებელი იმაზე, თუ რა მოხდა. ამის დაკავშირება კი სესიასთან სპეკულაციის პიკია, რომელსაც მორალთან კავშირი არ აქვს“, - განაცხადა გიორგი ვოლსკიმ.