მიუხედავად იმისა, რომ ახალი კორონავირუსის გავრცელების გამო ჩინეთში საგანგებო სიტუაცია არ გამოცხადებულა, ქვეყანაში გახანგრძლივდა ყოველწლიური საახალწლო არდადეგები, ბევრი საწარმო დაკეტილია, მოქალაქეებს კი მოუწოდებენ, რომ შეზღუდონ გადაადგილება და ერთმანეთის მონახულება.

ახალი კორონავირუსის მსხვერპლი უკვე არის 400-ზე მეტი ადამიანი. ყველაზე მეტი ინფიცირებული ჩინეთშია. 3 თებერვლის მონაცემებით კი, ახალი კორონავირუსით ინფიცირებულია 17 391 ადამიანი, საიდანაც 17 238 ჩინეთის მცხოვრებია.

ვირუსის გავრცელება პროვინცია ხუბეის დედაქალაქ უხანიდან დაიწყო. ამ ეტაპზე კი, უხანი და პროვინციის კიდევ სხვა ქალაქები დაკეტილია.