„მიხეილ სააკაშვილის განცხადებებზე კომენტირება უფრო მედიცინის საქმეა, ვიდრე პოლიტიკოსების“, - ამის შესახებ საგარეო ურთიერთობათა კომიტეტის თავმჯდომარე ირაკლი ბერაიამ განაცხადა. ამით ბერაია გამოეხმაურა სააკაშვილის განცხადებას პირადი შტაბის გახსნის თაობაზე.

„რაც შეეხება ამ სუბიექტის განცხადებებს, მასზე კომენტირება სცდება პოლიტიკოსების კომპეტენციას. ეს ალბათ, უფრო მედიცინის საქმეა, ვიდრე პოლიტიკოსების“, - აღნიშნა ბერაიამ.

შეგახსენებთ, მიხეილ სააკაშვილის განცხადებით, „საპრეზიდენტო ბიბლიოთეკის“ ბაზაზე ის პირადი შტაბის გახსნას გეგმავს.