თურქმა სამართალდამცველებმა, საქართველოში 2 ტონაზე მეტი მარიხუანას შეტანის მცდელობა აღკვეთეს, რომლებიც 213 ტომარაში იყო გადანაწილებული.

ადგილობრივი მედია აღნიშნავს, რომ ამოღებული ნარკოტიკული საშუალების საბაზრო ღირებულება 124 მლნ დოლარია.

გამოძიებით დადგინდა, რომ სატვირთო, რომლის მძღოლიც უცხო ქვეყნის მოქალაქეა, საქართველოში თურქეთის გავლით იტალიიდან მოდიოდა.

თურქმა მებაჟეებმა საეჭვოდ ჩათვალეს სატვირთოს ტვირთი, რომელშიც თითქოს, სასუქი იყო.

მანქანა სპეციალურ საწყობში მიიყვანეს, სადაც ტომრებში მარიხუანა აღმოაჩინეს.

ავტომობილის მძღოლი დაკავებულია.