„ადამიანურად ვწუხვარ, რომ ის პატიმრობაში აღმოჩნდა, თუმცა ეს არის უზენაესი სასამართლოს გადაწყვეტილება, რომელზეც ვხედავთ, რომ ოპონენტები მხოლოდ დროს იწუნებენ და არ დავობენ ჩადენილ დანაშაულზე, რაზეც სასამართლომ ბრალეულობა დაადგინა“,- ამის შესახებ პარლამენტის თავმჯდომარემ არჩილ თალაკავაძემ გიგი უგულავასთვის პატიმრობის შეფარდების საკითხზე საუბრისას განაცხადა.

მისი თქმით, კითხვების მოსახსნელად და დეზინფორმაციის თავიდან ასაცილებლად მმართველი გუნდი ევროპარლამენტს გიგი უგულავას საქმეზე ფაქტების შემსწავლელი მისიის შექმნას სთავაზობს.

„კითხვები რომ მოიხსნას და დეზინფორმაცია ავიცილოთ - ევროპარლამენტს ვთავაზობთ ამ საქმეზე შექმნას ფაქტების შემსწავლელი მისია და თავად შეაფასოს, რამდენად ობიექტურად და მიუკერძოებლად შეაფასა მტკიცებულებები სასამართლომ და გამოიტანა გადაწყვეტილება“,- აღნიშნა არჩილ თალაკვაძემ.​