კორონავირუსით ბოლო 24 საათში ჩინეთში 5000-ზე მეტი ადამიანი დაინფიცირდა. ამის შესახებ ინფორმაციას ჩინეთის ხელისუფლება ავრცელებს.

მათივე ცნობით, დაავადებულთა შორის 1700 ადამიანი სამედიცინო პერსონალია.

ჩინეთის ჯანდაცვის სახელმწიფო კომიტეტის მონაცემებით, ბოლო 24 საათში, მხოლოდ პროვინცია ხუბეიში, კორონავირუსით 116 ადამიანი დაიღუპა.

ჩინეთის ხელისუფლების ცნობით, იმ რეგიონებში სადაც ვირუსის ყველაზე მეტად არის გავრცელებული, მედიკამენტებისა და დამცავი საშუალებების დეფიციტია.

მანამდე ჯანდაცვის მსოფლიო ორგანიზაციის კონსულტანტმა განაცხადა, რომ მათი პროგნოზით, კორონავირუსით შეიძლება დედამიწის მოსახლეობის 2/3-ი დაინფიცირდეს. როგორც ფლორიდის უნივერსიტეტის ინფექციური დაავადებების შესწავლის ცენტრის თანამშრომელი აირა ლონჯინი ამბობს, მისი პროგნოზი დაფუძნებულია იმ ვარაუდზე, რომ ახალი ტიპის ვირუსი ერთი ადამიანიდან, როგორც წესი, კიდევ ორ სხვა პიროვნებას გადაეცემა.

მისივე თქმით, ვირუსის გავრცელების შეჩერებას ართულებს ისიც, რომ ზოგიერთ ინფიცირებულს ვირუსის სიმპტომების პრაქტიკულად არ აღენიშნება.

წყარო :