ნოდარ დუმბაძის ქალიშვილი ქეთევან დუმბაძე მიიჩნევს, რომ პირველ რიგში „მზიურში" სტიქიის შედეგად დაღუპულთა ხსოვნის პატივსაცემად, მემორიალი უნდა დაიდგას.

„იქ, სადაც ბავშვების და ახალგაზრდობის ჟრიამული უნდა ყოფილიყო, დღეს მიცვალებულებს პოულობენ. „მზიურში" დღეს სხვა ჟრიამულია... ერთად დგომის, თანაგრძნობის, ურთიერთსიყვარულის. სხვისი შვილები არ არსებობენ!

პირველი, რაც „მზიურში" უნდა გაკეთდეს, დაღუპულთა მემორიალი უნდა დაიდგას, მერე კი აუცილებლად ავაშენებთ ჩვენი ოცნების ქალაქს! ზუსტად მათი არდავიწყებისთვის!" - წერს დუმბაძე სოციალურ ქსელში.