საპარლამენტო ფრაქცია „ქართული ოცნების“ თავმჯდომარე რატი იონათამიშვილი ოპოზიციის წარმომადგენლების პერფორმანსს ეხმიანება და სოციალურ ქსელში წერს: 

„საქართველოს მტრის გარდა არავინ იკადრებს ოკუპანტი ქვეყნის ჰიმნის გაჟღერებას პარლამენტის იმ დარბაზში, სადაც 1991 წლის 9 აპრილს ხელი მოეწერა საქართველოს სახელმწიფოს დამოუკიდებლობის აღდგენის აქტს. ეს არ არის პროტესტის ფორმა, ეს არის ჩვენი ისტორიის შეურაცხყოფა“,- წერს იონათამიშვილი.

შეგახსენებთ, რომ საპარლამენტო ოპოზიციის წარმომადგენლებმა დღეს პარლამენტის პლენარულ სხდომაზე, როდესაც დეპუტატები არჩილ თალაკვაძეს უსმენდნენ, საბჭოთა კავშირის ჰიმნი გააჟღერეს. ჰიმნის ხმა იმ დროს გაისმა, როდესაც თალაკვაძე რუსეთის მხრიდან ოკუპაციაზე საუბრობდა.