ჟურნალისტი ბონდო მძინარაშვილი სოციალურ ქსელში შემდეგი სახის პოსტს აქვეყნებს.

„ლეგენდის თანახმად, ერთ-ერთ ქალაქში ყოფნისას ალექსანდრემ გამოჩენილი ფილოსოფოსი დიოგენე მოინახულა. დიოგენე მზეს ეფიცხებოდა, როდესაც ალექსანდრე თავისი სარდლების თანხლებით თავზე დაადგა.

- მე ალექსანდრე ვარ! - უთხრა მეფემ.

- მე კი დიოგენე! - უპასუხა ფილოსოფოსმა.

- მითხარი, რაც გინდა და შენს ნებისმიერ სურვილს ავასრულებ, - მიმართა ალექსანდრემ.

- თუ შეიძლება, ცოტა გვერდით გადექი, მზეს ნუ მიჩრდილავ, - უპასუხა დიოგენემ.

ამგვარმა პასუხმა სარდლები მეტად აღაშფოთა, თუმცა ალექსანდრემ ისინი დააშოშმინა და თავისთვის ჩაილაპარაკა:

- მე რომ ალექსანდრე არ ვიყო, დიოგენეობას ვისურვებდი.

ჰოდა, როგორი მაკედონელიც სააკაშვილია, ისეთივე დიოგენე ხარ შენც!

როცა შეხვდებით, მესამე-მეოთხეზე გაითვალეთ, მეტს მაინც ვერაფერს მოახერხებთ!

პრეზიდენტყოფილი რა „დემოკრატიის გაძლიერების ხედვაზე“ უნდა ელაპარაკო იმ პრეზიდენტყოფილს, რომელმაც იმ სახელმწიფოს მოქალაქეობაზე თქვა უარი, რომლის მთავარსარდალიც იყო?!

გესმით მაინც, რას ბოდიალობთ?!“- წერს მძინარაშვილი.