კახა კალაძე სოციალურ ქსელ   twitter - ში   ევროპარლამენტს, ევროპის სახალხო პარტიას, ევროპარლამენტში სოციალ-დემოკრატების ჯგუფს, ასევე ამერიკელ კონგრესმენ ადამ კინზინგერსა და სენატორ ჯიმ რიშს მიმართავს და აღნიშნავს, რომ „ქართული ოცნება“ ოპოზიციასთან მოლაპარაკებებისთვის მზად არის.

„პარტია „ქართული ოცნება“ მზად არის ოპოზიციასთან მოლაპარაკებებისთვის, რათა მიღწეულ იქნას შეთანხმება 2020 წლის საპარლამენტო არჩევნებისთვის ყველაზე გონივრულ საარჩევნო სისტემაზე“, – წერს კახი კალაძე სოციალურ ქსელ „ტვიტერში“.