„ვანო მერაბიშვილმა სასჯელი სრულად მოიხადა. რაკი დღეს ის უკვე სრულად თავისუფალია, მინდა, მწვავედ შევაფასო საერთაშორისო დონეზე მისი ადვოკატების საქმიანობა, რომლებიც კვირა ერთი იყო და რამდენჯერმე პატიმარს ტელევიზიის მეშვეობით უთვლიდნენ ტყუილებს, ეუბნებოდნენ, რომ შენ გაღიარეს პოლიტპატიმრად, რაც იყო სიცრუე“, - ამის შესახებ ჟურნალისტებთან, იუსტიციის მინისტრმა თეა წულუკიანმა განაცხადა.

„მას შემდეგ, რაც პენიტენციური სისტემა ისუტიციის სისტემას შეუერთდა, ვარ მოწმე როგორ იქცევიან პატიმართან მიმართებაში, როდესაც მას ატყუებენ, რომ მინისტრთა კომიტეტი გაგათავისუფლებს, ევროსაბჭო გაგათავისუფლებს, მერაბიშვილს, ბატონი ბოკერიადან დაწყებული, მისი პარტიის წევრებით გაგრძელებული, რომლებიც ადვოკატის სტატუსით ბევრ ტყუილს ეუბნებოდნენ, ის გათავისუფლდა მხოლოდ მაშინ, როდესაც სასჯელი სრულად მოიხადა“, - აღნიშნა თეა წულუკიანმა.