ჟურნალ „სარკის“ დამფუძნებელი და მთავარი რედაქტორი მედეა სანაია ჟურნალისტ გიორგი სანაიას იხსენებს და სოციალურ ქსელში სტატუსს აქვეყნებს.

„ლოყაზე მაკოცა და ღიმილით მკითხა, ჩემზე რას დაწერო. მისი გარდაცვალებიდან რამდენიმე თვე იყო გასული, ეს სიზმარი რომ ვნახე. ბევრჯერ დავწერეთ მას მერე, არ ვიცი, მოეწონებოდა თუ არა. ცოტა ხანი ვიცნობდით ერთმანეთს და ყოველთვის ძალიან გვიხაროდა შეხვედრა. როგორ გულშემატკივრობდა ახალგამოსულ „სარკეს“...

45 წლის გამხდარა, უნდა გამხდარიყო... ხშირად ვფიქრობ, როგორი იქნებოდა და სად იქნებოდა ახლა, ჟურნალისტიკაში დარჩებოდა თუ არა. ვარსკვლავი ჩააქრეს, - გიორგი სანაია!“ - წერს მედეა სანაია.