საქართველოში კორონავირუსის შემთხვევის დაფიქსირების თემაზე ჟურნალისტი ბონდო მძინარაშვილი სოციალურ ქსელში სტატუსს აქვეყნებს.

„კარგი, ხალხო, რა დაგემართათ?! მართლა სულ არაფერი იცით?!

პირბადე უნდა გაიკეთოს იმან, ვისაც სიმპტომები აქვს, - ნუ ივლით ყველა სახეაკრული!

მეორეც: ეგ პირბადე ყოველ 2 საათში უნდა გადააგდოთ და ახალი მოირგოთ: დღეში 8 ცალი მაინც დაგჭირდებათ! რა სისულელეა?!

ხელები ხშირად დაიბანეთ! ეს ისედაც უნდა იცოდეთ და აკეთებდეთ კიდეც, - არ უნდა ამას კორონა და ვორონა!

სხვას ვერაფერს იზამთ და სულ ტყუილად შფოთავთ!

ეს პროდუქტების მომარაგებაც სრული იდიოტობაა, - რამდენი ხანი გეყოფათ?! სახლიდან გამოსვლას არ აპირებთ?! თუ ჩაიკეტებით და ისუსნავებთ სამყაროს დასასრულამდე?!

მოუსმინეთ სპეციალისტების რჩევებს, ყველაფერს აგიხსნიან!

არ არის საჭირო ეს პანიკა და გულყრები!“ - წერს მძინარაშვილი.