14 ივნისს, 19:00 საათზე, „თიბისი გალერეაში" საქართველოს კულტურისა და ძეგლთა დაცვის სამინისტროსა და „თიბისი ბანკის" მხარდაჭერით, უსინათლო მხატვრის გიორგი ქობელაშვილის პერსონალური გამოფენა „თვალით და გონებით დანახული სამყარო" გაიმართება. ღონისძიებას საქართველოს კულტურისა და ძეგლთა დაცვის მინისტრი მიხეილ გიორგაძე დაესწრება.

ექსპოზიციაზე მხატვრის მიერ შექმნილი 70-ზე მეტი ნამუშევარი იქნება წარმოდგენილი, რომელიც გიორგი ქობელაშვილმა 2001 წლამდე, მხედველობის დაკარგვამდე, და მას შემდეგ შექმნა.

პროექტი ხორციელდება ასოციაციების - „მომავალი იწყება დღეს" და „ქალი, ბავშვი და სოციუმის" მიერ, საქართველოს კულტურისა და ძეგლთა დაცვის სამინისტროსა და „თიბისი  ბანკის" ფინანსური მხარდაჭერით.

დასწრება თავისუფალია.