ჟურნალისტი ამირან ბუთურიშვილი სოციალურ ქსელში ექს-პრეზიდენტ სააკაშვილის ბოლოდროინდელ განცხადებებზე პოსტს აქვეყნებს.

„იყო და არა იყო რა...

ხედავთ, იყოო და არაფერიც არ იყოო.

სააკაძეც გუბერნატორი იყო და მეც გუბერნატორი ვიყავიო. სააკაძე მოურავი იყო, სააკაშვილი კი - პრეზიდენტი.

ახლა, ვერ დავჯდები ოდესაში და ნაცრის ქექვას ვერ დავიწყებო, ანუ ნაცარქექია ვერ გავხდებიო. მგონი, ნათელაშვილს ეცილება პროფესიაში. ისე, ზღაპრული ნაცარქექია მაგარი ვინმე იყო, მოხერხებულობითა და გამჭრიახობით დევი დაამარცხა და მის სამფლობელოს დაეუფლა. ამ ჩვენმა ოდესელმა ნაცარქექიამ კი დევს საქართველოს მეხუთედი უფეშქაშა“, - წერს ამირან ბუთურიშვილი.