ხანძარია გურიაში - ოზურგეთში, სოფელ ვაკიჯვარში ქარსაცავი ზოლი იწვის. როგორც გუბერნიაში აცხადებენ, ცეცხლი ნაძვნარს უკიდია და დაახლოებით 10 ჰექტარზეა გავრცელებული. ხანძრის გაჩენის მიზეზად დაუდევრობა დასახელდა, სავარაუდოდ საგაზაფხულო სამუშაოებს უკავშირდება.

ადგილზე მობილიზებულია 6 სახანძრო-სამაშველო ეკიპაჟი, 100-მდე მეხანძრე მაშველი. როგორც საგანგებო სიტუაციის მართვის სამსახურში განაცხადეს, მიმდინარეობს ხანძრის ქრობის სამუშაოები, საჭიროების შემთხვევაში გათენებისთანავე ქრობის სამუშაოებში ჩაერთვება სასაზღვრო პოლიციის ვერტმფრენი.