თბილისის მუნიციპალიტეტის საკრებულოს თავმჯდომარე გიორგი ალიბეგაშვილი წარმომადგენლობითი ორგანოს წევრებთან ერთად 13 ივნისს სტიქიის შედეგად დაღუპულთა სულის მოსახსენებელ პანაშვიდს დაესწრო, რომელიც სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ გადაიხადა.

დაღუპულთა ხსოვნის მემორიალთან აღვლენილ პანაშვიდს ქვეყნის პრემიერ-მინისტრი გიორგი კვირიკაშვილი, თბილისის მერი დავით ნარმანია და საქართველოს მთავრობის წევრები ესწრებოდნენ. 2015 წლის 13 ივნისის სტიქიამ 21 ადამიანის სიცოცხლე შეიწირა, მათგან ორი დღემდე დაკარგულად ითვლება.