სომხეთში კორონავირუსით ინფიცირებულთა რაოდენობა გაიზარდა და რვას მიაღწია. ინფორმაციას ქვეყნის ჯანდაცვის მინისტრი, არსენ ტოროსიანი ავრცელებს.

მინისტრის თქმით, 8 პაციენტიდან 5 ერთ წყაროს უკავშირდება, კერძოდ, ახალგაზრდა ქალს, რომელიც ქვეყანაში იტალიიდან ჩავიდა.

გავრცელებული ინფორმაციით, ყველა პირი, რომელიც ახალ ინფიცირებულებთან კონტაქტში იმყოფებოდა, კარანტინშია გადაყვანილი.