-
+
20 მარტი. 2020. 10:16
იტალიის სამოქალაქო თავდაცვის ხელმძღვანელის ანჯელო ბორელის განცხადებით, ბოლო დღე-ღამეში ქვეყანაში COVID-19-ით 427 პაციენტი გარდაიცვალა. ასე რომ, იტალიაში გარდაცვლილთა საერთო რიცხვმა 3405-ს მიაღწია. მთელ ჩინეთში კი, საიდანაც დაიწყო პანდემია, დაფიქსირებულია 3245 ლეტალური შედეგი.
საერთო ჯამში, იტალიაში კორონავირუსით ინფიცირებულთა რაოდენობამ 41ათასს გადააჭარბა. ყველაზე მძიმე მდგომარეობაა ლომბარდიის რეგიონში, სადაც 20 ათასზე მეტი დაავადებულია დაფიქსირებული.
ჩინეთში კი მდგომარეობა იმედისმომცემია. ქვეყნის ჯანდაცვის ხელმძღვანელის განცხადებით, ბოლო დღე-ღამეში კონტინენტურ ჩინეთში ინფიცირების ახალი შემთხვევა არ დაფიქსირებულა, 34 ახალი შემთხვევა კი - ჩინეთში ჩასული უცხოელებია.