მარტვილის მუნიციპალიტეტეტში საბავშვო ბაღის აღსაზრდელებს კვების პროდუქტები სახლში მიუტანეს.

კვების პროდუქტების გაცემის პროცესს, სამეგრელო-ზემო სვანეთის სახელმწიფო რწმუნებულის მოადგილე ლუდუკ ხასია, მარტვილის მუნიციპალიტეტის მერი ალექსანდრე გრიგალავა, მერის მოადგილე აკაკი ხუნწელია, საკრებულოს თავმჯდომარე ალექსი გაბისონია და სკოლამდელი საგანმანათლებლო-სააღმზრდელო დაწესებულებათა ცენტრის დირექტორი ირმა გაბისონია დაესწრნენ.

კვების პროდუქტები, სკოლამდელი საგანმანათლებლო-სააღმზრდელო დაწესებულებათა ცნეტრში შემავალ 21 საბავშვო ბაღის 847 ბავშვს გადაეცემა.

აღნიშნულ პროცესში აქტიურად არიან ჩართულები მერიის და საკრებულოს თანამშრომლები, ა(ა)იპების ხელმძღვანელები, სკოლამდელი საგანმანათლებლო-სააღმზრდელო დაწესებულებათა ცენტრის თანამშრომლები და მოხალისეები. პროცესი ჯანდაცვის სამინისტროს რეკომენდაციის დაცვით მიმდინარეობს.