საქართველოში საგანგებო სიტუაციის პირობები გამკაცრდა. საკარანტინო სიტუაციაში ამოქმედდა შეზღუდვები, მათ შორის ის, რომ 3–ზე მეტი ადამიანის შეკრება აკრძალულია, ასევე, არ შეიძლება ავტომობილით 3–ზე მეტი ადამიანის გადაადგილება.

კითხვაზე – ოჯახში თუ 3–ზე მეტი წევრია, ის ერთი ავტომობილით ვერ გადაადგილდება? – მთავრობის ადმინისტრაციის ხელმძღვანელმა, ნათია მეზვრიშვილმა უპასუხა და აღნიშნა, რომ ეს შეზღუდვა ამ სიტუაციასაც ეხება და, მსგავსი დარღვევის შემთხვევაში, პასუხისმგებლობა მძღოლს დაეკისრება:

„ბევრი კითხვა დაისვა, რომ ოჯახში გვყავს სამი, ოთხი შვილი და როგორ გადავადგილდეთ – ისე უნდა დავგეგმოთ ეს პროცესი, რომ მანქანაში, 3–ზე მეტი ადამიანი არ იჯდეს, ეს კეთდება, პირველ ყოვლისა, არასრულწლოვნების ჯანმრთელობის ინტერესებიდან გამომდინარე. ნებისმიერი ასაკის ბავშვზეა საუბარი“, – განაცხადა მეზვრიშვილმა

წყარო :