რუსეთში კორონავირუსით ინფიცირებულთა რიცხვმა 10 000-ს გადააჭარბა. ოფიციალური მონაცემებით, ბოლო 24 საათის მანძილზე ინფექცია ქვეყანაში 1459 ადამიანს დაუდგინდა, რითაც მთლიანობაში ინფიცირებულთა რაოდენობამ 10 131 შეადგინა.

ბოლო დღე-ღამის მანძილზე ქვეყანაში 13 ადამიანი გარდაიცვალა და კორონავირუსის მსხვერპლთა რაოდენობამ 76-ს მიაღწია. გამოჯანმრთელდა 698 პაციენტი.

ოპერატიული შტაბის მონაცემებით, მოსკოვში ინფიცირების „რეკორდი“ დაფიქსირდა - 857 ინფიცირებული, სულ რუსეთის დედაქალაქში ინფიცირების 6 700 შემთხვევაა დადასტურებული. ახალინფიცირებულთა ნახევარზე მეტი 46 წელზე ნაკლები ასაკისაა.