ჟურნალისტი თამარ ბატიაშვილი ეროვნული ნაკრების ცენტრალური მცველის, ალექსანდრე ამისულაშვილის ქველმოქმედების შესახებ ძალიან სასიამოვნო ამბავს ავრცელებს.

„კარგი ამბავი უნდა გიამბოთ. ამ თელაველმა ბიჭმა, რომელიც ეროვნული ნაკრების ცენტრალური მცველია, საკუთარი თანხით შეიძინა პირველადი მოხმარების საქონელი და საჭმელი პროდუქტები. მერე თელავის მუნიციპალიტეტის მერიას სთხოვა, რომ 150 შეჭირვებული ოჯახისთვის გადაეცათ. ხვალ მიიღებენ ადრესატები ამ საჩუქარს. თითო პაკეტის ღირებულება 160 ლარს შეადგენს“- წერს ჟურნალისტი.