ჰაერის დაბინძურება შესაძლოა, რომ კოვიდ-19-სგან დაღუპვის რისკებს ზრდიდეს. ამის შესახებ ჯანდაცვის მსოფლიო ორგანიზაციის წარმომადგენელი მარია ნეირა აცხადებს.

ექიმის თქმით,  ლათინური ამერიკის, აფრიკისა და აზიის რიგი ქვეყნების ხელისუფლებას, სადაც ეკოლოგიის მხრივ, სერიოზული პრობლემებია, ყურადღება უნდა მიაქციონ გარემოს საკითხს.

„ჩვენ ყველაზე დაბინძურებული ქალაქების რუკას ვაკეთებთ, ჩვენს ბაზაზე დაყრდნობით, რათა კარგად გამოჩნდეს კავშირი კოვიდ 19-ის სიკვდილიანობასა და ეკოლოგიურ მდგომარეობას შორის.

ამ გზით, დავეხმარებით იმ რეგიონებს, რათა მათ შესაბამისი ზომები მიიღონ“, – აცხადებს ჯანმოს წარმომადგენელი.