გერმანიის კანცლერმა ანგელა მერკელმა ბუნდესტაგში კორონავირუსის პანდემიაზე საუბრისას მოსახლეობასა და პარლამენტს მაქსიმალური დისციპლინისკენ მოუწოდა. როგორც ანგელა მერკელმა აღნიშნა, მხოლოდ ასე შეძლებს ქვეყანა, ნორმალურ ცხოვრებას მალე დაუბრუნდეს.

სიტყვით გამოსვლისას ქვეყნის კანცლერი შეზღუდვების მოხსნის საკითხსაც შეეხო და განაცხადა, რომ მართალია, მხარს უჭერს ფედერალური მთავრობების გადაწყვეტილებებს, მაგრამ მათი განხორციელების ფორმა მერკელისთვის შემაშფოთებელია.

გერმანიის კანცლერის თქმით, შეზღუდვების შერბილებაზე მიღებული გადაწყვეტილება შესაძლოა, ზედმეტად თამამი იყოს.

„მოდით, არ გავფლანგოთ ის შედეგები, რომლებსაც უკვე მივაღწიეთ და გარისკვით დამატებითი დაბრკოლებები არ შევიქმნათ“, – განაცხადა ანგელა მერკელმა.