„გირჩის“ ლიდერის, ზურაბ ჯაფარიძის ორგანიზებით, იპოდრომის ტერიტორიაზე აქცია გაიმართა.

„გირჩის“ ლიდერები და მოქალაქეები საგანგებო მდგომარეობის გაუქმების მოთხოვნით 14:00 საათისთვის შეიკრიბნენ.

ადგილზე მივიდნენ სამართალდამცველები.

ზურაბ ჯაფარიძე და აქციის რამდენიმე მონაწილე ვაკე-საბურთალოს პოლიციის განყოფილებაში გადაიყვანეს. როგორც სამართალდამცველებმა მათ განუმარტეს, განყოფილებაში იდენტიფიცირების მიზნით გადაჰყავთ, რის შემდეგაც მათი დაჯარიმება მოხდება.

ამასთან, აქციაზე რამდენიმე ადამიანი პოლიციისთვის დაუმორჩილებლობისთვის დააკავეს.